Inventario de árbores senlleiras

O inventario de árbores senlleiras suma 125 rexistros de árbores e formacións arbóreas. Corresponden a 40 especies, vinte delas consideradas autóctonas ou nativas e vinte clasificadas como alóctonas ou exóticas. As especies mellor representadas son o carballo e a sobreira. A distribución xeográfica do conxunto das árbores catalogadas concéntrase na ribeira do río Miño e, en menor medida, nos vales dos ríos Pego e Cereixo.