Carballo de Vilameán Carballo

Medra no Adro da festa xunto á igrexa de Vilameán, nunha praza recentemente transformada, obra que levou a reencher e soterrar entre 3 e 4 metros do tronco orixinal da árbore. Medra só, sen ningunha competencia, polo cal crea unha copa arredondada e harmoniosa a partir de tres brazos nos que se divide o fuste principal a pouco máis de 2 m do chan. Aínda que presenta boa vitalidade, ten pavimentado case todo o chan ao redor do seu tronco, polo que a súa viabilidade está moi comprometida a medio prazo. Desde 1990, a veciñanza de Vilameán réndelle homenaxe coa celebración da Festa do Carballo, na terceira fin de semana de outubro. Nese ano seica se celebraba o suposto bicentenario da árbore, plantada en 1790 con «alcacias» e varios «robles», que foron secando e se foron cortando até deixar só ao carballo