Peto de ánimas do barrio do Lago

Peto de ánimas situado no barrio do Lago. Encóntrase apoiado nun muro á beira do camiño. Está realizado en granito cun marcado carácter vertical. Sobre unha base rectangular sobresae unha repisa convexa, a modo de mesado, onde podemos ver o oco para as esmolas. O nicho cuberto con arco de medio punto, protexido por unha reixa, acolle o retablo coas ánimas entre lapas e as iniciais «MFM» na parte baixa. A capela remata nun frontón de perfil ondulante coroado por un pináculo que soporta a cruz.