Peto de ánimas de Vilachán

Peto de ánimas situado no Barrio de Vilachán. Encóntrase pegado ao muro dunha casa á beira da estrada. Actualmente só se conserva a estrutura exterior e carece de retablo, marcas ou inscricións. Está formado por un piar que serve de base a unha mesa sobre a que se apoia unha capela con cuberta a dúas augas de perfil curvo. O peto remata cunha cruz de sección romboidal e extremos florais con botón central, que se eleva sobre dúas volutas.