Peto de ánimas de Paredes

Peto de ánimas situado no lugar de Paredes, na parroquia de Santa María de Tomiño. Encóntrase encaixado nun muro, e para acceder a el temos que subir tres chanzos. Conta cunha base rectangular que recolle a petición: «PASAJERO/ QUE VAS/ DE CAMINO/ ACUERDATE/ DE/ NUESTRAS/ PENAS». Sobre esta base, aséntase a capela co retablo de pedra, no que podemos ver a tres relixiosos entre as chamas coas palmas das mans unidas en oración. Sobre eles dous anxos e o Espírito Santo en forma de Pomba. A capela remata cunha forma triangular de bordes sinuosos, coroada por unha cruz de ferro.