Peto de ánimas da Casa do Castillón

Peto de ánimas realizado en cantería coñecido como «Peto de ánimas da Casa do Castillón». Encóntrase encaixado nun muro, e está formado por unha base cuadrangular con inscrición «PROMESA/DE/ DOLORES/VAZQUEZ/ A LAS ANIMAS/ BENDITAS». A capela que contén o retablo é sinxela, dunha soa peza e con remate superior semicircular. Na súa fronte, na parte superior, leva unha cruz e podemos ler «1946/ANO», e no interior da fornela un retablo de madeira coas ánimas e Cristo Crucificado. O peto das esmolas, situado baixo o arco, ten a cuberta metálica.