Muíños do Brosque Conxunto de muíños

Conxunto de tres muíños na zona do Brosque, no barrio do Cotro. Estarían vinculados ao Pazo do Brosque situado a poucos metros do lugar. Os tres están realizados en cachotería, perpiaño irregular e algunhas pezas de cantería máis traballadas, sobre todo nas zonas de portas e ventás, e lousas de maior tamaño no chan. Teñen tellado a dúas augas cuberto de tella, froito dunha reforma recente. Os tres contan cun só inferno, e no interior conservan a moa e o pé da moa, así como marcas de cruces e outros elementos nos muros. Nos linteis das portas, os dos dous primeiros contan con inscricións: No primeiro: «RENOVADO/ 1737», isto fálanos dunha orixe anterior. No seguinte: a inscrición superior está moi deteriorada en non se pode ler, pero debaixo leva a data 1832.