Lavadoiro do Regatiño Lavadoiro

Lavadoiro cuberto de 12 prazas situado na zona do Regatiño. Actualmente non está en uso. Presenta reformas e modificacións de diferentes épocas. A parte máis antiga é a que se corresponde co lavadoiro propiamente, que está realizado en pedra, con desgastes que acusan o paso do tempo. En canto á cuberta, esta é de factura máis recente. Conta con piares de cantaría e outros de ladrillo, cunha zona resaltada de perfil mixtilíneo onde levaba unha placa da «Obra Social del Movimiento» coa data de1953 e o escudo da falanxe.