Lavadoiro do barrio da Ponte Lavadoiro

Lavadoiro con tellado a catro augas cuberto con tella do país e soportado por un armazón de madeira. Asenta sobre catro piares de granito, e encóntrase un pouco por debaixo do nivel da estrada. O depósito vai protexido cun muro baixo de ladrillo entre os piares, en dous dos seus lados. Ten planta cadrada, e está construído en granito. Conta con grandes lousas inclinadas para lavar, nas que se aprecian os desgastes propios do uso e do paso do tempo.