Lavadoiro do barrio da Cova Lavadoiro

Lavadoiro con tellado a catro augas cuberto por tella do país e soportado por dez piares de pedra. Destacan as trabes e o armazón de madeira no interior. Ten un deposito rectangular de granito con lousas de pedra inclinadas nas que se aprecian os desgastes típicos do uso e do paso do tempo. Encóntrase murado nun dos seus lados, onde tamén podemos ver o oco por onde discorre a auga. Actualmente non está en uso.