Lavadoiro da Portela

Lavadoiro con tellado a catro augas de lados desiguais con estrutura de madeira. Vai cuberto con tella e apoiado sobre catro piares de pedra. O depósito é de planta rectangular realizado en granito. Leva grandes lousas inclinadas en tres dos seus lados, nas que se aprecian os desgastes propios do uso e do paso do tempo. Recibe auga dunha fonte que se encontra na parte traseira, e desauga nunha poza situada no lado esquerdo.