Lavadoiro da Fontaíña

Lavadoiro cuberto con tellado a catro augas apoiado en catro piares de pedra, con tella do país. O depósito ten planta rectangular e está realizado en granito, con reformas posteriores que engaden ladrillo na súa cara interna. Conta con grandes lousas inclinadas en dúas das súas caras, que presentan desgastes propios do uso e o paso do tempo. O interior está divido, con zona diferenciada para o lavado e o aclarado. É coñecido como o Lavadoiro da Fontaíña.