Fonte do Regatiño

Fonte situada na avenida de Brasil, na zona do Regatiño. Foi construída a comezos do século XX e financiada polos indianos que buscaban a mellora da súa parroquia. Está realizada en cantería e cercada por unha reixa metálica. A decoración escultórica concéntrase na parte superior, na que podemos ver dous pináculos e un vaso decorativo baixo o que hai unha folla en relevo. Na parte baixa central levaría unha cartela con inscrición que hoxe non é lexible.