Esmoleiro de Almiñas da Cruz

Esmoleiro realizado en pedra. Presenta unha capela con nicho de arco de medio punto que acolle unha táboa da Virxe dos Remedios (que non é a orixinal). Na súa fronte leva a data gravada e destacada en negro: «AÑO 1815». No lateral esquerdo conserva outra inscrición actualmente moi desgastada que parece dicir “ADVOZN/DJUAN/ANTº Mº/VSMM», como recolle a revista da Asociación de Veciños da Aurora, que polo que parece, no momento da súa publicación aínda era lexible. Na súa parte superior conta cunha moldura curva destacada sobre a que se dispón unha cruz. A capela apóiase sobre unha pedra cuadrangular encaixada no muro. Está situado no barrio da Cruz, do que toma o nome, xa que é coñecido como Almiñas da Cruz. Foi movido da súa localización orixinal con motivo do ensanchamento do camiño.