Cruz alta do barrio do Val

Cruz alta situada no barrio do Val, pegada a un muro. Presenta unha base octogonal que se apoia sobre un chanzo alto. O fuste parte dunha sección cadrada para continuar cunha romboidal, que tamén se utiliza no brazo curto da cruz. Os extremos rematan nunha forma floral aberta con botón central. Presentaba, segundo a publicación de Fernández de la Cigoña e Loira, unha inscrición na súa base, que xa no momento do seu estudio estaba bastante deteriorada, pero na que algunhas palabras do texto eran lexibles «ANTONIO» «ANO» «1830». Actualmente non é lexible.