Crucifixo de Bacelo

Crucifixo situado enriba do muro dunha vivenda do barrio do Bacelo. Presenta un chanzo sobre o que apoia unha base cúbica con inscrición gravada na súa fronte, na que podemos ler: «ANO1686 LOND/ PINTAR DJVAN ALVARES». A cruz é de brazos rectos e lisos, e nun dos seus cantos leva a inscrición «BASTIANVISENTE». Na fronte o Cristo crucificado de tres cravos baixo cartela. O cruceiro foi movido ao actual emprazamento. Antigamente atopábase nas inmediacións, e estaba apoiada no chan.