Cruceiro do Priorato de San Lourenzo Cruceiro

Coñecido como «Cruceiro do Priorato de san Lourenzo», localízase a poucos metros da capela de san Lourenzo. Presenta tres chanzos sobre os que se apoia unha base lixeiramente troncopiramidal, que soporta un varal estriado. A columna arranca con sección cadrada para continuar con forma cilíndrica. Case chegando ao capitel sitúase unha pequena escultura dun santo sobre cuncha con libro entre as mans. O capitel tamén estriado soporta dúas figuras: Cristo e a Virxe. A falta da cruz e a cabeza desproporcionada de Cristo, son froito de intervencións posteriores. A cabeza foi reposta nos anos 50. Conta cunha inscrición que percorre os catro lados da base, un pouco erosionado polo paso do tempo. Posible transcrición: «ESTECRUCERO/AÑD19», «LOIZO PORISV», «MVGERDA A», «LONSSO».