Cruceiro do barrio do Mosteiro Cruceiro

Este cruceiro sitúase no barrio do Mosteiro, nunha rotonda axardinada preto da igrexa parroquial de Santa María. Presenta un só chanzo sobre o que se apoia unha base cadrada coas arestas superiores a bisel. O fuste é liso e de sección cuadrangular con esquinas rebaixadas. Nunha das súas caras, sobresae a imaxe da Virxe co Neno. Remata cun capitel composto con cariñas nos seus lados, que fai de base a unha cruz coa Virxe da Peregrina, a un lado, e con Cristo Crucificado ao outro.