Cruceiro da capela do Espirito Santo

Cruceiro asociado á capela do Espírito Santo no barrio de Soutelo, situada a poucos metros. Presenta un chanzo cuadrangular con base troncopiramidal. O varal é hexagonal e está rematado nun capitel formado por unha peza circular e outra cadrada sobre a que apoia unha cruz de brazos rectos. Non presenta inscricións que poidan dar datos sobre unha posible data de construción, pero polas súas características e estilo este poderíase encadrar entre os séculos XVII e XVIII. A cruz parece froito dunha intervención máis recente.