Tilleira prateada da Quinta do Ramo Tilleira prateada

Árbore Exótica
Especie: Tilia tomentosa Moench.
Perímetro normal: 2,68 m (diámetro aprox. 0,85 m)
Altura: Aprox. 21 m
Copa:125 m2
Parroquia: Forcadela
Coordenadas: 41.978363, -8.738297

O exemplar do Ramo medra xunto a un muro pétreo que pouco a pouco o obriga a orientar o fuste no sentido oposto, crecendo inclinado cara ao interior da quinta. Trátase dun exemplar de excelentes dimensións, que forma a enforcadura a aproximadamente 3 metros de altura, composta por infinidade de ramas que medran verticais buscando a luz. Esta árbore semella forte e vigorosa, sen máis problema que a proximidade do muro, que limita o desenvolvemento do sistema radicular nesa dirección.

Bibliografía: Jorge Mouriño e Gaspar Bernández: Árbores senlleiras do concello de Tomiño. Tomiño, 2011.