Sobreiros de Pazos Sobreiro

Árbore Autóctona
Especie: Quercus suber L.
Perímetro normal: 2,96 m
Altura: 7,3 m
Copa:130 m2
Parroquia: Tomiño
Coordenadas: 42.000048, -8.74509

Formación integrada por unha ducia de sobreiros que medran no lugar de Pazos (Tomiño), nunha zona elevada sobre a aldea e actualmente acondicionada como área recreativa, con solo pouco profundo. Todos eles mostran sinais de demoucas e podas que os manteñen a baixa altura e con troncos de diámetro irregular, debido aos engrosamentos nas cicatrices. Destaca un exemplar que se divide a menos de 2 m de altura en dúas ramas opostas e case horizontais, ao que corresponden os datos técnicos anexos; séguelle en tamaño unha árbore de 2,32 m de perímetro e 7,8 m de altura.

Bibliografía: Jorge Mouriño e Gaspar Bernández: Árbores senlleiras do concello de Tomiño. Tomiño, 2011.