Sobreiro da Quinta do Ramo Sobreiro

Árbore Autóctona
Especie: Quercus suber L.
Perímetro normal: 3,58 m
Altura: 20 m
Parroquia: Forcadela
Coordenadas: 41.978246, -8.738237

Entre os sobreiros examinados en Tomiño, este exemplar engadido ao Catálogo en 2017 pasa a ser o cuarto de maior diámetro, despois de tres exemplares do conxunto de San Roque, aos que supera en altura. Situado case no centro do arboredo histórico da Quinta do Ramo, érguese inicialmente un tanto curvado para formar a enforcadura a uns 3 metros. Por riba prosegue cunha complexa división de ramas que rematan por equilibrar a copa, a cal contacta coa doutro sobreiro próximo (de 2,41 m de perímetro normal) e coa dun carballo de espectacular fuste recto.

Bibliografía: Jorge Mouriño e Gaspar Bernández: Árbores senlleiras do concello de Tomiño. Tomiño, 2011.