Salgueiro 2 do ariño de Amorín Salgueiro

Árbore Autóctona
Especie: Salix atrocinerea Brot.
Perímetro normal: Tres fustes, de 1,92, 1,44 e 0,85 m
Altura: 9 m
Parroquia: Amorín
Coordenadas: 41.991526, -8.682779

Este salgueiro desenvólvese nunha zona con tendencia a asolagar na ribeira do Miño, frecuentemente inundada por crecidas e mareas vivas, cerca doutro salgueiro. O tronco divídese en tres fustes desde unha altura dun metro: o maior medra vertical mentres que os dous restantes crecen cun ángulo aproximado de 45° sobre o chan, abrindo cadansúa copa de forma independente. Xunto este salgueiro aparece un pradairo negundo (Acer negundo) naturalizado, amosando o perigoso carácter invasor desta árbore americana no Baixo Miño.

Bibliografía: Jorge Mouriño e Gaspar Bernández: Árbores senlleiras do concello de Tomiño. Tomiño, 2011.