Rododendro de Sobrada Rododendro arbóreo

Exemplar con dimensións excepcionais, sen dúbida destacado na xeografía galaica. Na base do tronco pódese apreciar parte do sistema radical a causa de procesos erosivos que arrastraron a terra. O tronco, que se divide en dúas grandes pólas a un metro do chan, posúe numerosos carpóforos na base. O rododendro está situado no xardín dun pazo abandonado, a carón dunha camelia de grandes dimensións; ambos os dous corren risco de ser cubertos polas rubideiras que os arrodean, como silvas (Rubus ulmifolius) e as campaíñas Ipomoea sp. Ademais, o rododendro precisa dunha pequena actuación de poda para eliminar madeira seca na copa.