Rododendro da casa indiana de Currás Rododendro arbóreo

Rododendro con fuste algo inclinado na procura de luz, xa que nace influenciado por outras árbores. Quizais esta competencia provoca que o tronco medre en altura e non estea apenas ramificado. Cara á metade do tronco aprécianse actuacións de poda deficientemente executadas, que habería que corrixir para evitar futuros problemas fitosanitarios no exemplar, como podremias da madeira e furados. Na base do exemplar obsérvanse moitos chupóns, seguramente como resposta da planta a estas actuacións de poda mal executadas. Aínda que se trata dun exemplar destacado no pre- sente catálogo, o seu futuro é incerto xa que a súa situación fai perigar a súa continuidade.