Pradairo na foz do Furnia Pradairo

Árbore Autóctona
Especie: Acer pseudoplatanus L.
Perímetro normal: 1,56 m
Altura: 19,9 m
Parroquia: Amorín
Coordenadas: 41.9914, -8.689504

Árbore de fuste recto que comparte a marxe oeste da foz do río Furnia con carballos, freixos e amieiros, algún destes tamén catalogados como senlleiros. Medra en competencia con estas árbores, pero con espazo aberto cara aos prados da marxe de Carregal, a onde dirixe as maiores pólas secundarias. Presenta un excelente aspecto e conta con numerosos exemplares novos da mesma especie nacendo por baixo das árbores de toda a foz.

Bibliografía: Jorge Mouriño e Gaspar Bernández: Árbores senlleiras do concello de Tomiño. Tomiño, 2011.