Plátano de sombra do Torreiro de Piñeiro Plátano de sombra

Integrado nun conxunto de plátanos de sombra e carballos de boas dimensións, onde a maior parte das árbores presentan grandes feridas por actuacións de poda mal realizadas. Destacan outros dous exemplares que contan con perímetros de 3,08 e 2,84 m. Todos presentan fustes rectos e sen ramificacións até bastante altura, con grandes contrafortes na base, característicos das árbores de grande envergadura. As ramas medran con bastante verticalidade, froito da competencia coas demais árbores do espazo, o que conforma copas alongadas e altas, na procura da luz. A pesar de atoparmos insectos chupadores nas follas, podemos afirmar que o estado sanitario dos exemplares é bo, se ben habería que realizar unha poda de saneamento para eliminar ramiñas secas no interior das copas.