Pereiras bravas das Tomadas Novas Pereira brava

Árbore Autóctona
Especie: Pyrus cordata Desv.
Perímetro normal: Ex1: 0,95 m; Ex2: 0,88 m; Ex3: 0,85 m
Altura: 8,4 m
Copa:En conxunto 85 m2
Parroquia: Pinzás
Coordenadas: 42.064968, -8.784875

Conxunto de tres exemplares que medraban moi próximos e formaban unha copa conxunta, illados doutra vexetación arbórea, na marxe da estrada que comunica Pinzás con Gondomar, case na raia que limita con dito concello. O exemplar do medio desenvolvíase máis recto e constrinxido, mentres os exteriores abrían ramas cara ás zonas opostas aos seus veciños. Na actualidade só pervive o exemplar máis próximo á estrada despois dunha actuación forestal á que non se encontra explicación. Representaba o único caso triplo no catálogo que non era considerado como formación.

Bibliografía: Jorge Mouriño e Gaspar Bernández: Árbores senlleiras do concello de Tomiño. Tomiño, 2011.