Magnolio da Casa do Carlote Magnolio

Árbore plantada hai máis de douscentos anos a escasos metros da vivenda dos seus propietarios, na aldea do Barro, a partir dunhas sementes chegadas directamente de América. O tronco está actualmente soterra- do uns 60 cm desde o seu nivel orixinal; aparece engrosado pola presenza de grandes contrafortes cilíndricos e non se ramifica até aproximadamente 5 metros de altura, onde crece a primeira rama, xa que o exemplar non amosa unha verdadeira enforcadura, senón que a copa —globosa e grande— se forma pola suce- sión de pólas que saen do fuste. A árbore non presenta ningún problema en aparencia. Trátase sen dúbida dun dos magnolios máis destacados, non só do concello de Tomiño senón de toda Galicia.