Freixo do Fial. Freixo mediterráneo

Árbore Autóctona
Especie: Fraxinus angustifolia Vahl
Perímetro normal: Dous fustes de 2,76 e 2,20 m
Altura: Aprox. 22 m
Parroquia: Amorín
Coordenadas: 41.987032, -8.696153

Freixo destacado na ribeira do Miño en Carregal, unha das zonas que concentra maior número de grandes exemplares desta especie. Destaca por abrirse en dous potentes fustes desde a base, dos cales un se desenvolve verticalmente e o outro, deitado na base, cara ás veigas, mais ambos ramifican copiosamente e encóntranse moi cubertos de hedra. A copa é moi ampla, emerxendo por riba das árbores próximas.

Bibliografía: Jorge Mouriño e Gaspar Bernández: Árbores senlleiras do concello de Tomiño. Tomiño, 2011.