Castiñeiro da Casa do Vinclo Castiñeiro

Árbore Autóctona
Especie: Castanea sativa Mill.
Perímetro normal: 3,05 m
Altura: 21 m
Copa:180 m2
Parroquia: Santa María de Tebra
Coordenadas: 42.040875, -8.729438

Árbore de copa arredondada e moi ben conformada, que medra nunha zona de vexetación mesta no interior da quinta da casa grande do Vinclo, emerxendo entre árbores máis pequenas. Aparentemente mostra unha boa vitalidade, ao igual que outros dous castiñeiros de bo porte que crecen na mesma propiedade, máis próximos á vivenda, con perímetros normais de 230 e 227 cm respectivamente.

Bibliografía: Jorge Mouriño e Gaspar Bernández: Árbores senlleiras do concello de Tomiño. Tomiño, 2011.