Carballos da Chanciña Carballo

Grupo de carballos localizados na ladeira do monte de Tebra ao norte do río Cereixo, no lugar de Carballal. Todos eles amosan sinais de teren sido sometidos a numerosas podas e demoucas, con frecuentes engrosamentos e un característico porte: toros de 3-4 metros do que parten pólas máis estreitas. Destacan tres exemplares envolvidos pola curva dunha estrada local, xunto cun castiñeiro. O maior deles, situado en cota superior aos restantes, ten un notable engrosamento do tronco, que acada 1,40 m de diámetro a aprox. 130 cm sobre o chan, pero só 0,88 m na base. No seus troncos atopamos varios exemplares de vacaloura (Lucanus cervus), que se deben criar nas zonas de madeira morta das propias árbores. A propietaria, que xa lembra das vacalouras desde a infancia, estima que as árbores poden chegar a 300 anos de idade