Carballo da Atalaia Carballo

Árbore Autóctona
Especie: Quercus robur L.
Perímetro normal: 3,00 m
Altura: 21,6 m
Copa:270 m2
Parroquia: Goián
Coordenadas: 41.952213, -8.749021

Árbore de espléndida e redondeada copa, que se localiza máis próxima á beira do Miño (apenas 15 m) que ao alto do lugar arqueolóxico da Atalaia. Neste último espazo, liberado recentemente dos eucaliptos que o cubrían, medra outro carballo notable (perímetro normal 233 cm), se ben non foi seleccionado para o presente Catálogo. Coa construción da ponte da Amizade, o carballo senlleiro ficou doutro lado da vía con respecto á propia Atalaia, na marxe dunha pista de terra pola que se accede baixo a ponte. As pólas baixas vense frecuentemente afectadas pola poeira derivada do tránsito de vehículos nesa pista.

Bibliografía: Jorge Mouriño e Gaspar Bernández: Árbores senlleiras do concello de Tomiño. Tomiño, 2011.