Araucaria da casa indiana de Currás Araucaria

Árbore Exótica
Especie: Araucaria angustifolia (Bertol.) Kuntze
Perímetro normal: 2,65 m
Altura: 18,5 m
Copa:196 m2
Parroquia: Currás
Coordenadas: 42.005551, -8.680306

A carón da estrada PO- 552 atopamos unha casa indiana cun extraordinario xardín no que crecen algunhas das árbores ornamentais máis interesantes do concello, colección á que pertence esta araucaria. Trátase dunha árbore esvelta que responde á descrición típica da especie: fuste libre de ramaxe, até uns 16 m, onde se abre a copa, sen dúbida un dos seus aspectos máis rechamantes pola súa singularidade. No tronco non se aprecian cicatrices de poda por tratarse dunha especie con autopoda. A vitalidade e estado sanitario do exemplar son óptimos.

Bibliografía: Jorge Mouriño e Gaspar Bernández: Árbores senlleiras do concello de Tomiño. Tomiño, 2011.